【Emily】林村生產 城大牛奶校園上架

【明報專訊】香港城市大學喺大埔林村嘅農場上年11月啟用，養咗24隻由澳洲入口嘅娟珊牛，校方噚日推出城大農場製造嘅牛奶，喺城大劉鳴煒學術樓3樓嘅「城大牛奶店」發售，每盒9蚊，城大牛奶亦係由香港唯一奶牛群生產，校方希望遲啲可以推出市場公開發售。城大牛奶係喺城大農場內消毒，校方仲話，啲牛奶有更易受人體消化、腸道吸收嘅A2型β酪蛋白。